Binangonan LIfe Savers, muling hihirit

Muli hihirit ngayong Hulyo 9 ang Binangonan Life Savers sa isa na namang Blood Letting project na kanilang isasagawa sa Brgy. Tagpos, Binangonan, Rizal.

Sa kanilang huling proyekto ay nakakuha ang kanilang grupo ng 56 bag ng dugo na pinagtulung tulunangan kasama ang pamunuan ng Brgy. Tayuman at Philippine Blood Center

Ang Blood Letting na gagawin sa July 09 ay sa pakikipagtulungan ng BLS kay Kap. Seth G. Barrameda ng Brgy. Tagpos at sa Tres Ninos School 

CFCA, kaisa ng ALSI sa Alay-Dugo

Nitong nakaraang Linggo, June 26, 2011 ay nagsagawa ng kanilang kauna-unahang Blood letting Program ang Christian Foundation for the Children and Aging o CFCA-Binangonan Chapter. Ito ay isinagawa sa Covered Court ng Barangay Hall ng Brgy. Macamot sa nasabing bayan.

Sa pakikipag-ugnayan ng Grupo sa Angono Life Savers at Philippine Blood Center ay nakapangalap ang grupo ng 26 na bag ng dugo mula sa mahigit isandaang nagsidalo.

Ipinahayag naman ng CFCA Staff na si Mrs. Ester Rivera ang pagnanais nito na gawing regular na rin sa kanilang bayang nasasakupan ang Blood Donation. Sa Hulyo ay target ng CFCA at ALSI na makapagsagawa ng kahalintulad programa sa Isla ng Talim. Gayundin naman ay may nakatakda na rin sa Brgy. San Luis, Antipolo.

Noong June 12, ay ang unang pagkakataon na nakipag-ugnayan ang CFCA sa ALSI para sa proyektong isinagawa sa Bgry. Poblacion Ibaba, Angono, Rizal kung saan ay nakakalap naman sila ng 36 na yunit ng dugo mula sa kanilang mga miyembro. 

ALSI supports fight against Tuberculosis

by: Ms. Connie Ofamen

ALSI participated in Public Private Mix DOTS (PPMD). It is a strategy adopted by the Department of Health in partnership with the Philippine Coalition Against Tuberculosis (PhilCAT) and other private Organizations to address the problem of TB tuberculosis in the country.

Recently, the Department of Health conducted a series of Advocacy Symposium on the prevention and control on the spread of Tuberculosis in the country.

In the province of Rizal, an advocacy symposium was held at GEMS Hotel Antipolo City facilitated by PCC (Provincial Coordinating Committee) last June 1, 2011.

The PCC is the coordinating structure at the provincial level that provides technical support and oversees engagement of all care providers and ensure sustainabilty of the partnership between the community LGU, NGO's and other private sectors.

The PCC teams guided by the DOH with PhilCAT utilized DOTS training for referring care providers participation to employ a province-wide approach for increasing case detection and synchronizing TB management of TB cases both in public and private sector.

.

ALSI then made a commitment by participating the DOTS training held at MAX's TAYTAY on June 28, 2011. Engaging all Non-NTP (National TB control Program) healthcare providers both in private and public sectors using the ISTC (International Standards for TB Care) by developing concrete plans for the engagement, understading and commitment; and working towards achieving sustainabilty of the partnership of the DOTS services provided by the Rural Health units in the Province of Rizal

Angono Life Savers, Humarap sa Sesyon ng Sangguniang Panlalawigan

Sa pagdinig ng Sagguniang Panlalawigan ng Rizal sa Panukalang Kapasyahan Blg. 126 s. 2011 na inihain ni Kgg. Bokal Totoy Esguerra- Chaiman ng Committee on Accrediattion, ay humarap ang mga opisyales ng Angono Life Savers (ALSI) Inc. sa kanilang ginawang pagdinig ngayong umaga upang mailatag ang mga programa ng grupo.

Sa mithiing makakuha ng higit  pa na suporta ay naghain ng aplikasyon para sa akreditasyon mula sa Pamalaang Panlalawigan ang ALSI isang buwan na ang nakararaan.

Bukod kay Vice Governor Frisco San Juan Jr., ay kasama din sa mga dumalo sa sesyon ay ang mga kagalang-galang na sina Bokal Armando Villamayor, Zoilo Tolentino Jr., Benjamin Esguerra Jr., Genato Bernardo, Ronald Barcenas, Jesus Huertas Jr., Reynaldo San Juan Jr, Nemesio Roxas, at ang mga Ex-Officio na Bokal na kumakatawan sa mga Kapitan, Sangguniang Kabataan at mga Konsehal sa buong Lalawigan.

Matapos ang halos sampung minutong presentasyon ng Pangulo ng ALSI na si G. Gilbert Merino, ay nagsimula nang magtanong ang bawat Bokal. Sa tanong ni Bokal Huertas na kung ano ba ang inaasahan ng ALSI sa pamahalaan sakaling mapagbigyan ang kahilingan nitong akreditasyon, diretsang sinabi ni G. Merino na "tulong sa pagpapalaganap ng samahan at pagtatatag ng sariling Blood Station sa Lalawigan ng Rizal". Bukod dito ay nauna nang hiniling ng grupo ang suporta sa posibilidad nang pagkakarron ng sariling tanggapan at ambulansya.

Sa kasalukuyan ay mayroon nang naitatag na chapter ang Life Savers sa Bayan ng Binangonan.

Matapos ang deliberasyon ay hiniling na ni Bokal Esguerra na pagtibayin na ang  inihaing kahilingan. Wala namang tutol na natanggap mula sa mga kasamahang Bokal.

Sa susunod na sesyon ng Sangguniang Panlalawigan ay inaasahang ilalabas na ang positibong kapasyahan mula sa sanggunian.

Kinamayan at binati ng bawat Bokal ang mga miyembro ng ALSIng naroroon sa magaganda at makabuluhan nitong mga programa. May ilan ding nagpahayag ng pagnanais na makapagtatag ng kaparehong samahan sa kani-kanilang mga bayan. Labis naman ang pasasalamat ng ALSI sa suportang natanggap.

Sali na! Join the ALSI Advocacy

Kayo ba ay Blood Donor? O may interes maging Emergency Responder? Nais magsulat sa Dugong Bayani? Health worker? O sadyang matulungin lang at gusto mo lang talaga ang mga ginagawa ng ALSI?

Join na sa ALSI. Maging bahagi ng isa sa mga aktibong samahan ngayon. Ano ang magagawa mo para sa Diyos, Kapwa at Bayan mo?

Kay sarap at kay sayang makatulong!

Ano nga ba ang ALSI?

Kung nais mong makibahagi at makisaya, makipag-ugnayan kina:

Gilbert-09217333260
Vicky-09192327132
Maricor-09289983502
Dennis-09054035364
o sa sinumang opisyales ng samahan

Hihintayin po namin kayo!

Mag BINGO! Tumulong at Manalo

Nuong nakaraang taon, sang ginang mula sa Poblacion Ibaba ang masuwerte at solong nanalo ng halagang P10,000 mula sa ginanap na pa-Bingo ng Angono Life Savers (ALSI), Inc. Ngayong taon ay muling magsasagawa ng kaparehong proyekto ang samahan upang mabigyang suporta ang mga programa nitong pag-kalusugan at pang-kaligtasan.

Sa October 22, 2011 sa Angono Gymnasium ay isa na namang nakapananabik na Bingo ang gaganapin ng ALSI.

Mas pinalaking premyong nagkakahalagang  P12,000, P7,000 at P5,000 ang ipamimigay ng Life Savers. Bukod pa sa dagdag na 10 Consolation Prizes ay may RAFFLE din para sa lahat ng nagsibili ng BINGO Cards.

Ang makakalap na pondo mula sa paBingo ay gagamitin ng grupo upang maipantustos sa mga proyekto nitong tulad ng Blood Services, Medical Missions, Safety Seminars, Health Lectures at iba pa.

Ang bawat card ay nagkakahalaga lamang ng P50. Upang makabili, maaring makipag-ugnayan kina G. Boybing Bartolome-09165015356; Dennis Samonte-09054035364; o sa kanino mang opisyales ng samahan.

ALSI, Naghain ng kahilingan sa Sangguniang Bayan

Nakatakdang humarap bukas sa ganap na ala-una ng hapon sa Sangguniang Bayan ng Angono ang mga opisyales at ilang kasapi ng Angono Life Savers (ALSI), Inc.

Sa liham na ipinadala ng grupo sa opisina ni Mayor Gerry V. Calderon, hiniling ng ALSI na maamiyendahan at maipatupad ang Municipal Ordinance No. 06-483 o mas kilala sa tawag na “Walking Blood Bank Ordinance” na naipasa nuon pang July 21, 2006. Ang nasabing Ordinansa ay iniakda ng nu’oy Konsehal Dong Malonzo, nilagdaan at pinagtibay ng nuon naman ay Bise-Alkalde Aurora Villamayor at ipinatupad ni Alkalde Gerardo V. Calderon.

Sa nasabing ordinansa ay inaatasan ng Pamahalaang Bayan ang Municipal Health Office na magsagawa ng Walking Blood Bank program sa pakikipagtulungan sa Philippine Red Cross at sa bawat Punong Barangay.

Gayundin ay binibigyang pribilehiyo ng ordinansa ang bawat blood donor sa pamamagitan ng mga serbisyo mula sa Municipal Health Office tulad ng libreng pagkonsulta at pagkalibre ng personal permit.

Bukas, sa pagharap ng ALSI sa Komite ng Kalusugan sa SB na pinangungunahin ni Konsehal Januver H. Tiamson, ay kasama sa kahilingan nito na maisama sa mga mabibiyaan ng benepisyo ang daan-daang miyembrong Blood Donors ng ALSI. Sa Kasalukuyan sa tulong ng ibat-ibang samahan at negosyo ay may halos apat na daang miyembro na ang Life Savers.

Sa Unang 6 na Buwan: Nakalap na Dugo sa Angono Umabot sa Mahigit 300

Umabot sa mahigit 300 bag ng dugo ang nakalap sa unang anim (6) na buwan pa lamang ng taon sa bayan ng Angono. Sa pagtutulungan ng ibat-ibang samahan at sa suporta ng pamahalaang bayan ay matagumpay na nakakapagsagawa ng Bloodletting Projects sa ibat ibang panig ng bayan.

Mula Enero hanggang Hunyo ngayong taon ay nasa walong Mobile Blood Donation (MBD) ang naisagawa sa buong bayan.

Petsa	Lugar	Organizers	Bilang ng nakuhang Dugo
January 22	Brgy. Mahabang Parang	Municipal Government/ MHO	5
February 27	St. Clement Parish	Angono Life Savers (ALSI) Holy name Society	97
March 19	Brgy. Mahabang Parang	Tau Gamma Phi	20
April 26	Brgy. Kalayaan	Tau Gamma Phi	23
May 01	St. Clement Parish	Knights of Columbus Rotary Club	22
May 10	Brgy. Kalayaan	Sagguniang Barangay- Kalayaan	10
May 29	St. Clement Parish	Angono Life Savers (ALSI) Holy Name Society	104
June 12	Brgy. Pob. Ibaba	CFCA	36
Total			317

Sa huli ay mas higit na pinasasalamatan ng mga organizers ang bawat blood donors na boluntaryong nag-aalay ng kanilang dugo. Mas maraming dugo na makakalap, mas maraming buhay ang maaari nating mailigtas.

Bukod sa magandang maidudulot nito sa mismong katawan ng nag-aalay ay labis na galak at kasiyahan ang malamang tayo ay makapagduduktong ng marami pang buhay.

Blood Donors Umabot sa 104

Umabot sa isandaan at apat (104) na blood donors ang matagumpay na boluntaryong nakapag-alay ng dugo sa ginanap na "Dugo Ko, Alay Ko" bloodletting project nuong Mayo 29, 2011, araw ng Linggo sa St Clement Parish Formation Center.

Sa pakikipagtulungan ng Life Savers sa Holy Name Society at Jollibee-Angono ay nakamit ng grupo ang pinakamataas na tala ng blood donation sa Bayan ng Angono.

Samantala ay muli na namang naghandog ng libreng souvenir shirt sa mga donor si Kuya Bryan Cruz, habang ang Leterato ay nagbigay ng libreng serbisyo sa pagkuha ng litrato. Kasabay nito ay sa halip na magkaroon ng pribado at magarbong handaan ay ipinagdiwang ng batang si MoiMoi Merino ang kanyang ika-3 kaarawan sa pamamagitan ng pagpapakain sa mga nagsidalo sa bloodletting, habang ang nagbigay ng libreng mineral water ay si Ms. Vicky Sebastian.

Bukod sa balik-pasasalamat ay higit na mas masaya ding umuwi ang ilang nanalo ng tig-lilimang kilo ng bigas na pina-raffle sa bawat donor. kabilang sa mga nagbigay ng paraffle na bigas ay sina Konsehal Januver Tiamson, Bb. Renee Zamora, Konsehala Janine Rivera at Kagawad Liwanag ng Brgy San Vicente.

Ang proyekto ay ginampanan ng Philippine Red Cross East Rizal Branch.

Emergency Response and Basic Life Support Training

Sa susunod na tatlong sabado- June 11, 18 at 25, 2011 ay magsasagawa ang Angono Life Savers (ALSI), Inc. ng Emergency Response and Basic Life Support Training para sa lahat ng mga nagnanais na matuto ng wastong kahandaan sa oras ng pangangailangan.

Katuwang ang Taytay Search and Rescue Team at Blanco Family Academy, ay naglalayon ang ALSI na maging handa ang bawat mamamayan sa mga oras ng kalamidad at sakuna.

Ayon sa pamunuan ng grupo, kahit nagsimula na ang unang araw, ay maari pa ring lumahok ang mga nais humabol. Ang pagsasanay ay isinasagawa sa quadrangle ng Blanco Family Academy sa kanto ng Ibanez at Ipil St., Brgy San Vicente, Angono, Rizal. Sa panghuling araw ay hangad na makita ng mga facilitators ang natutuhan ng mga nagsidalo sa pamamagitan ng simulation o pagganap ayon sa posible at aktwal na pangyayari.

Para sa ilang katanungan, maaaring makipag-ugnayan sa Chairman ng ALSI Disaster Risk Reduction and Emergency Response Committee na si G. Nick Sisican sa 0916-4812626 o di kaya ay kay Gng. Connie Ofamen sa 0920-9216113.

Dugong Bayani, Online na!

Mula ngayon ay mas mabilis nang mababasa ng ating mga kababayan ang mga kaganapan sa Angono Life Savers. Gamit ang makabagong teknolohiya ay mas mabilis na maibabahagi ng ALSI ang mga updates sa mga proyekto nito.

Sa kasalukuyan mula nang unang mailathala ang Dugong Bayani nuong May 2010 ay nakapaglabas na ito ng 4 na printed issues. Ang Dugong Bayani ay ang opisyal na Newsletter ng nasabing samahan.

Tulad sa printed issues ay maaring abangan ng mga miyembro, blood donors, ka-bayani partners at mga volunteers ang mga balita hinggil sa naganap at magaganap pa lamang na mga proyekto at pagpupulong ng ALSI. Maglalathala rin ang Dugong Bayani ng mga proyekto ng pamahalaan na naayon sa adbokasiya nitong pangkalusugan at pangkaligtasan, mga heath and safety tips and trivias at iba pang mga nauukol na impormasyon.

Hanggang sa muli!